Հ.Յ.Դ. Լ.Պ.Միութիւններու ամանորի ձեռնարկներ 2016

Ինչպէս ամէն տարի, այս տարի եւս ՀՅԴ Լիբանանի պատանիները միասնաբար դիմաւորեցին Նոր տարին` ընկերային հաճելի եւ ճոխ մթնոլորտը սփռելով պատանեկան միութիւններուն, ընկերներուն եւ ընտանիքներուն մօտ: Պատանեկան միութիւններուն Ամանորի առանձին-առանձին կազմակերպած խրախճանքներուն զուգահեռ, ՀՅԴ Լիբանանի պատանեկան միութիւններու Ընդհանուր վարիչ մարմինի ընկերային յանձնախումբին կազմակերպած ընդհանուր խրախճանքներն ու տօնական առիթներու միջոցառումները կը համախմբեն պատանեկան տարբեր միութիւնները` առիթ հանդիսանալով պատանիներուն վերստին հանդիպելու, բաժնեկցելու տօնական մաղթանքներն ու բոցավառելու միութենական աշխատանքներու ոգին:

G_011016Այսպէս, երէց պատանիներուն համար Նոր տարուան նշումը կատարուեցաւ ընթրիքով ու խրախճանքով շաբաթ, 2 յունուար 2016-ի երեկոյեան` Ազգային Եղիշէ Մանուկեան քոլեճի սրահին մէջ: Լիբանանի տարբեր պատանեկան միութիւններէն 192 երէց պատանիներ դարձեալ առիթը ունեցան համախմբուելու` այս անգամ եռանդուն մթնոլորտով շնորհաւորելու միութիւններուն եւ ընկերներուն Նոր տարին: Մասնակցելէ ետք հաճելի խաղերու, պատանիներու պարերն ու երգերը ստեղծեցին տօնական խանդավառ մթնոլորտ բոլորին համար, որմէ ետք Յարութ Լափաճեանի, Յովնան Քէշիշեանի եւ Էտի Նալպանտեանի յեղափոխական երգերով պատանիները ոգեւորութեամբ լեցուած սկսան Նոր տարին` իրենց աշխատանքները նոյն շունչով շարունակելու առաքելութեամբ:

Իսկ կրտսեր պատանեկան միութիւններէն 133 պատանիներ երկուշաբթի, 4 յունուար 2016-ի առաւօտեան համախմբուեցան Կեդրոնական Պէյրութի մէջ գտնուող յատուկ խաղավայր «Քիտզ Մոնտօ»-ի մէջ, ուր ամբողջ օրը զբաղեցան հաճելի խաղերով եւ մասնակցեցան պատանեկան հետաքրքրութիւնը արթնցնող յատուկ մրցումներու ու ներկայացումներու: Միասնաբար ճաշելէ ետք, անոնք առիթը ունեցան դիտելու տօնական յատուկ ներկայացում մը` անակնկալներով եւ նուէրներով բաժնուելով իրարմէ:

 

«Վազրիկ» Յունիս 2016

ARF BADANI բջիջային ծրագիր

appposter