ՀՅԴ ԼՊՄ Վերանորոգ ուխտը՝ Պիքֆայայի մէջ

Հայոց Ցեղասպանութեան նահատակներուն100  ամեայ պայքարին կտակով, Հ.Յ.Դ. Լիբանանի Պատանեկան Միութիւնները մասնակցեցան համաժողովրդային քայլարշաւին, Ուրբաթ 24 Ապրիլ 2015-ին,  հայերէն եւ օտարալեզու լոզունքներով ներկայացնելով պահանջատէր հայ պատանիին խօսքն ու պատգամը՝ ցեղասպան թուրքիայէն եւ միջազգային ատեաններէն պահանջելու ամբողջական հատուցում եւ արդարացի լուծում:

Հ.Յ.Դ. Լիբանանի Պատանեկան Միութիւններու «Մե՛նք ենք մեր Դատին Իրաւատէրերը» Ապրիլեան նշանաբանին ընդառաջ, ինչպէս ամէն տարի, այս տարի եւս Լիբանանի Պատանեկան Միութիւններէն խումբ մը պատանիներ, Ընդհանուր Վարիչ Մարմնի կազմակերպութեամբ, այցելեցին Պիքֆայայի վերանորոգուած Հայոց Ցեղասպանութեան Նահատակաց ու Վերածննդեան Յուշարձանը, Կիրակի 26 Ապրիլ 2015-ին, իրենց յարգանքի տուրքը մատուցելու հայոց ցեղասպանութեան նահատակներուն եւ գոյատեւող սերունդներուն:

Ծանօթանալէ ետք նորակառոյց  նահատակաց խորանին ու նահատակաց ու վերածննդեան յուշարձանի շրջափակին մէջ կառուցուած հայ ժողովուրդի պատմական ու ագգային արժէքները խորհրդանշող քանդակներուն ու արուեստի գործերուն, պատանիները ծաղկեպսակ զետեղեցին հայոց ցեղասպանութեան նահատակներուն ու գոյատեւող նախահայրերու յիշատակին: Սոյն պատգամով, Ընդհանուր Վարիչ Մարմնի խօսքը փոխանցեց Մարօ Մարգարեան, որ անդրադառնալով Հայոց Ցեղասպանութեան հարցին շուրջ միջազգային ատեաններու ուղղած նոր դիտանկիւնին, վեռ առաւ Դաշնակցական պատանիին արժանիքները եւ անոնց իրագործումը պատանեկան աշխատանքներուն մէջ՝ միեւնոյն Դատին իբրեւ իրաւատէր սերունդ:  Անդրադառնալով  նախանցեալ շաբթուան Լիբանանի Պատանեկան Միութիւններուն մասնակցած «Մե՛նք ենք մեր Դատին Իրաւատէրերը» խորագրեալ հացադուլ-նստացոյցին, Մարգարեան ըսաւ. «Դո՛ւք էիք, որ ձեր կամքը ի գործ դրիք ու կարգապահ շարքերով մեր ձայնը լսելի դարձուցիք: Ձեր իւրաքանչիւրը իր ներդրումը ունի Հայ Դատի հետապնդման աշխատանքներուն մէջ: Շարունակեցէ՛ք ձեր գործը, ընդլայնեցէ՛ք մեր պայքարը ու Դաշնակցական պատանիի կոռովով ու կարգապահութեամբ տէ՛ր կանգնեցէ՛ք մեր Դատին»:

Ապա, փունչ մը յեղափոխական երգերով, պատանիները վերանորոգ կամքով սկիզբը դրին աշխատանքային նոր դաշտերու,  ու «Յառաջ Նահատակով» մեկնեցան՝  իրենց պայքարունակ սերունդներուն երթը շարունակելու սուրբ մարտահրաւէրով:

«Վազրիկ» Յունիս 2016

ARF BADANI բջիջային ծրագիր

appposter